27‏/03‏/2010

Shugo chara party episode 25 The last T_T

السلام عليكم يا حلوين


أعود لكم بعد ما شفت حلقة شوقوا كيرا الجديدة
و بعد ما ذاكرت لإمتحان بكره ..قدمت شفت الحلقة على المذاكره
لأني كنت متحمسة كثير لها
لكن يلا الأسف كانت هاي الحلقة الأخيرة للموسم الثالث
و إحتمال للأنمي ككل
لكن بما أنها حلقة مميزة بأحداث مميزة و خطيره
قلت لازم أتكلم عنها

بعد ما شافت أمو إكتو بسريرها
و بعد ما قالت له ليش انت هنا؟؟

قال لها رجعت هنا بشكل مؤقت

قال بنبرة حزينة يعني بترجع

و فجأة عصبت و قالت ليش انت بغرفتي؟؟

لكن أمها تجي ..بالشاي معاها

بتروح أمو تخبي إيكتو بلى ما تسمع شنو بيقول لها

بعدها تفتح الباب لأمها ..و تادا تعطل الأم أنها تدري بأن إيكتو موجود

و في انها رضت له انه يدخل غرفتها

حطت الشاي و راحت

وقال إيكتو عشان كذا قلت لك سمعيني

بعدها يروحوا للملاهي اللى راحوها من قبل

و يجر إكتو أمو للعبة الأحصنة المتحركة

و قالت له بأرتباك ليش هاذي اللعبة

قال لأن لعبة أكواب الشاي صغيرة

قال لا مو هذا اللى قصدت ليش أحنا بنفس الحصان قال

و قرب وجهه منها و قال لأني أبغي العب دور الأمير

بعدها تزلق و يمسكها .....كيااااااااا روعه المشهد

لكنها تشوف تاداسي و تركض له عشان تقول له

أن اللى شاف سوء فهم و ان إيكتو أجبرها انها تركب معاه

لكنه ما تضايق >>غريبة *_*

و قال لها أن إيكتو عزمه على الجيه فجأ

بعدها تكلموا الثالثة مع بعض و قال إيكتو بأنه صار عازف

في المسرح اللى كان ابوه يعزف فيه

وقال أنه بيروح في جولة جديدة بكره و ما راح يرجع لليابان في الوقت الحالي

بعدين أبتسم وقال لها كبري بسرعه>>شقصدك ؟؟ عشان تناسبك؟؟

يا ربي من الأولاد الكبار ديم ما يقولوا هالعباره لمحبوبتهم إذا كانت صغيرة :ـ)

و يبتسم لتاداسي وتاداسي يتفأجى >>أنا بعد ,لأني أبغي اعرف السبب بالضبط

بعدها يروح ..وبكذا يخلى الجو لتاداسي

فيقوم يبوس أمو على الخد ...يا يعيني على وجه أمو الخجول كآآأااواي

تفزع أمو و تقوم تحط يديها على خدودها

وتقول شنو؟؟؟

و يقول لها أنه بيظل دايماً وياها ليعاكس اللى يسويه إيكتو
بعدها طااااخ تخجل مره ثانية و تقول أوجي-ساما
و.. كعادته قام بالتحول وقال أنا مو بس أمير
أنا ملك و ضحك ضحكته الجنونية
بعدها جاء اليوم اللى بعده و عينوا ريكو بمنصب الملكة الجديدة
>> غريبة ما خلوها الجوكر *_* بس أفضل عشان تبغا أمو المميزة
و يبارك لها الجميع
بعدها يجيبوا لقطات باغنية النهاية عن أنهم كلهم سعيدين
راحين الحديقة هم و آوتاو و دايتشي
و جابوا أيكتو في أن المدير عم تاداسي زاره

وتنهب الحلقة مع ذكر انها آخر حلقة
لشوقوا كيرا بارتي
وبعبارة شكراُ لدعمكم ! باي باي
يعني :( ما جزء جديد

هناك 15 تعليقًا:

Čυŧε ₦υňђ ~ ● يقول...

أخيــرن نزلتي موضوع عن حلقة شوجو كارا و انا اقول وش اللي مأخرك ..
الله يوفقك في اختبارك ان شاء الله يا قلبي ..
بما انه تعليقي شوي راح يكون طويل فبأخليه بكره ..
بس شكررا على تقريرررك الـ كاويي
على الـ last ep
وما اطول عليك و على نفسي >> متأخره في النوم :P
مــاآتااشتـآآ ^^

Tomoyo-chan يقول...

تأخرت بسبب المذاكره لإختبار اليوم :(
الحمد لله كان لا بأس فيه
اوكيه عيل بكون في إنتظاره ^^

Čυŧε ₦υňђ ~ ● يقول...

كونيتشواا توميو - شان ^w^
أخيــراان استقريت على جهازي >> بعد يوم متعب .. "^^
كيفك ؟؟ اخبارك ؟؟ عساك بخيــر ان شاء ؟؟
الحمد لله يا رب تاخذين الـ full mark
و الله يسهل عليك اختباراتك القادمه :)
مستعده ؟


1

2

3

Go

P:

نبدأ بالتعليق على الحلقة .. >> مين طلبه ؟ هههه
شسمه اولا و آخراا شوجو كارا كان إحدى الانميات اللي ادمنت عليها من .,.,., إلى .,.,.,
يعني فعلا كان انمي جذبني بقووة ..
شوجو كارا .. كان أحلى جزء بما إنـه كان في البدايـة ..
من ناحية الشخصيات الاحداث .. كلها كانت حماس ..
و شخصياتهم كولهم دخلت قلبي إلا ( يايا :/ ) ابد ما خشت مزاجي !!
و بعدين جا الجزء اللي بعده شوجو كارا دوكي ..
كان جدا حلو الـ Doki .. خصوصا انه الاحداث
اخذت مجرى آخر بس بطريقة جذابة جذبت كل مشاهد .
وانا واثقه من هالشيء .. D:
يعني حتى في البداية خفت انه يكون زي اي انمي يطلع جزء ثاني و يلت و يعجن في القصه على غير سنع
بس انه peach bit ابدعوا فيه >> انا فهمت انهم مجموعه و مدري هي حرمة او لا .. ما علينا المهم "^^

>> الاخت شكلها مطوله <<

و كانت نهاية دوكي ابداااااااع ..
اصلا الاحداث في التسعينات و الميـة كانت شي خيال ..
يعني من جد كان جزء ابداااااع ..

بعدها >> فيس متحسر ..

جا شوجو كارا بارتي ..
بغض النظر انه تمحور حوول هاللي
اسمها ريكا ( صوتها مززززعج ) و هياكروا ..
إلى اني احسهم يبون يوصلون رسالة معينة ايجابية عن الـ X eggs ..

... بس اللي من جد احس انه اعدم الانمي بقوة اللي هو الـ cosplay اللي مسوينه ..
اول انمي الظاهر يسوويه و فشل بسببه انا ابد
ما احب اشوف انمي و احبه بعدين اشوفه دراما و اتحطم ...
يعني بعض الاحيان يمشي الحال زي ياماتو ناديشكو ..
بس مدري في شوجو كارا بارتي ابد ما هضمتهم ..
و فوق هذا صار الانمي نفسه 10 دقايق تقريبا ..
احس انهم من جد اعدمووه ..
طريقة لإعدام انمي نااجح على نطاق العالم !!
>> تابعوا شوجو كارا باجزاءه >.<
مع انه كان في حلقات مضحكه و كوميديه ..
مسلييــه ..

بالنسبة للحلقة الاخيره ..
كنت مره متوقعه شي قريب من المانغا بين
- amu & ikuto - بس انهم حطموني لمن دخل تاداسي ..
مدري احس انه مره ما يلبق لآمو ابداان ..
ما علينا بغض النظر عن وجود ايكتو في الحلقة الاخيره .. و اختفاءه اللي صار بسرعه حسيت انه
peach bit جابه بس كذا عشان يرضي الـ fans
فقط ..
^^
بالنسبة للنهاية كنهاية أنمي هدفه انه
يوصل للاطفال رسالة " لا تتخلى عن حلمك و ثابر
و اسعى للتغير للأفضل " فهي ناجحه :)
اما من ناحية ثانية في شي فيها مو عاجبني ..
بما اني من الأموتو fans فما عجبتني حسيت نهايته مررره تادامو :/ ..
عكس المانغا ^^
بس بشكل عام بغض النظر عن رأيي أنا في الاموتو ,
نهااية جميييلة و ودي في جزء ثاني بس عشان يغطووا
البلاوي الفادحه اللي سووها في بارتي ..

>> ملاحظة ..
Shugo chara puchi puchi
حسييت انه مرره كاوييي و funny .. احس و انا
اتابع الحلقة لو شفته ما أملل ابدان .. مره مسلي ..
لو خلو نصه puchi و النص الثاني بارتي بدون الـ cosplay كان الانمي ممكن يكون ابدااع ..
بس شكلهم طقت في راسهم يسوون فكره جديده ..
غاضين النظر عن كونها بتلقى اعجاب المشاهدين او لا
.. مع اني اعتقد انه في اليابان لاقوا شعبيه بين
بني شعبهم .. اكييد مو اعتقاد و بس ..

...


غوميييييييييييييييييييييييين ني .. طولت عليك مره مره مره
...

هونتوني غوميين ..

بس ما صدقت اطلع اللي في خاطري عن شوجو كارا
مع اني احس الكلام سايح على بعضه ..

في النهاية :
شوجو كارا 100 / 10
و شوجو كارا دوكي 100 / 10
اما شوجو كارا بارتي 8 / 10
..

آنوو ... آيتووو ..
.,.,,.,.
ما ودي اسكر بس احس مصختها
ههههه
>> و عندي بكره كويز الله يعيين ..

يللا يا صاحبه أحلى مدونه .. جآآآنــآآ ..
ماتااني :) ..

Tomoyo-chan يقول...

مراحب حبوبه
بارافوااا ..هذا الرد ولا فلا
والصراحه أبدعتي في كتابة رايك بالانمي ككل
وانا معاكي فيه 100%

*في كون يايا ما دخلت مزاجي فأي والله أنا
بعد و حسيتها سخيفه حدها يعني بتصير سينباي
للعيال و لا زالت طفلة و بعد أحسها ثقيلة دم
على عكس ما المفروض تكون :(

* هو صحيح إذا طولوا الانمي يضطروا يجيبو أشياء
ما لها داعي بس مو ككل لانها يكون فيها تطورات
بين الحلقات ,,لذلك ما اعصب إذا طولوه
لكن حركتهم مع شوقوا كيرا بأنهم سوو له cosplay
فهذا أقرفني كثير و حسنني انه وكأنه الانمي للصغار بس ,,يكفي كون أشكالهم ما تنبلع أبداً

* يس بعض الانميات او المانجات إذا عملوا لها
دراما تكون حلوه و بعضها سخيفة زي كونان
حسيت خلاص ما اقدر اكمل الحلقة لما جابوا كونان و هيبارا مع اصواتهم اللى بالانمي

*بجد معاكي حق في كونهم ما خلوا إيكتو يرجع إلا
للمعجبين ..حسيت أن لو ودهم كان خلوها تحب تاداسي
بس peach bit هم اللى يحددوا مو منتجين الانمي

* وااااااو أنا بعد من انصار أمو و إيكتو
لذلك ما عجبني كونهم نهوا الانمي من دون ما تعترف له بحبها و انهم ما عرضوا يوم يبوسها على خدها
و يعترف لها يوم بيسافر في المانجا ..انقهرت كثير
ليش ما جابوا المشهد بالانمي لانه خيااااااال

* تابعتي فقرة الشوقو كيراز ..سوو كيووت
جربت شفت حلقة من ترجمة همس الفجر بلا فقرتهم
و تحسفت لانهم يسوون جو مع أحداثهم الكآااواي

لا ابداً كلامك مو سايح أنا اللى سايح لاني
مو قادره أرتب أفكاري خخخخ
التقييم ابداع خصوصاً 100 من 10 هههههه

ما مسختيها بس ما الومك
لان لازم تذاكري مو تصيري مهملة ..شدي حيلك
و موفقه فيه و في امتحاناتك الجايه

تسلمين على هالاطراء ..ماتا ني ^^

إي صح تقرأي الموسم الجديد من المانجا
نزلوا شابترها الاول و كانت الاحداث إبداع
>>حتى انها تكلمت عن الشابتر بالمدونه :)

Čυŧε ₦υňђ ~ ● يقول...

تاداايمـــــآآآ ..
<< مبين اني توي داخله البيت "^^
..
و أخيـرا تخلصت من الكويز ما بغيت :/
بس مش و لابد من الاخطاء بس الحمد لله على كل حال
..
اخبارك يا عسله ؟ و كيف كان يومك ؟؟
.....
بالنسبة لردك و الله تسلمي هالانامل كلامك كللله
صح 10000 %
ضحكتيني على دراما كونان و الله انك صادقه ..
انا معليش من يوم ما شفت سينشي و ران *_*
غسلت يدي P:
..
و ايييه آمو و ايكتو احس يلبقون لبعض اكثر من
كون آمو مع تاداسي .. مدري احس حبهم حب بزران
و زي ما قيل في المانغا هي حبت شخصيته
الظاهرهـ اللي هي شخصية الاووجي ساما D:
..
آنوني المانغا قصدك Encore
اييييه مررررررره سووغوووووي
أحلى شبتر الاول حسيت بداية موفقه جداااااااااا
ههههههه
عجبني كوكاي مرررررهـ
ان شاء الله الجاي احسن يا رب .. لحظة عندي كمن كلمة اقولها عن الـ Encore راح ارد
في نفس الموضوع >> اسوي آكشن هناك يعني خخخخخ

..

يللا يا حلوه جآآنــآآ >> لي رد في موضوع
الموسم الجديد من شوجو كارا .. ^^

Tomoyo-chan يقول...

أوكآيري كاوآي-سان

من هالنقطه فمعاكي حق لازم الأخطاء في كل كويز
سوا ذاكرتي بتركيز أو لا ,بس يلا خلصت
الثانويه فمافي خوف من النقص لأن الهدف
صار النجاح بالماده حتى ما نحملها

كان يومي تمام بما أنه أقصر دوام في الاسبوع
دوام اليوم :)

اي حتى سينشي و ران و مليون خط على سينشي
لان الممثل اللى أختاروه للدور ما اطيقه ابداً

على حب أمو و تاداسي فمعاكي في كونه بزراني
لآن أمو حبته زي ما يحبونه كل المعجبين و هو حبها
بتحولها مع ران ...كسرت خاطري أمو يوم عرفت بهالشيء وتمنيتها تخليه بس ما عندها كرامه -_-
لكن مع ايكتو صحيح انه يجننها و دايم ما تعصب
عليه لكن مشاعرها تجاهه دوكي دوكي في كل مره تشوفه ~_<

يس قصدته :)
هو كأول شابتر خطير..لكن شوي زعلانه
لانهم يقولون أنه يبكون موسم قصير
فأن شاء الله تكون أحداث شابتراته الباقيه
بروعة و خطارة الشابتر الأول و يعوضون عن الانمي

خليتيني أتحمس كثير على نطرت الأكشن اللى بيكون
في موضوع المانجا
يلا انا في انتظاره لأني ذاكرت كويز بكره
>>>شطوره ذاكرته بتفحيط

Čυŧε ₦υňђ ~ ● يقول...

Hiiii
يا لبى قلبك ردك مره عسل ..
>> شكلنا ما راح نخلص

يللا الحمد لله على كلامك أكبر همنا اننا ما نحمل المادة
الله يستــر .. يارب كلنا ننجح في كل المواد ..

و ماشاء الله دوامك اليوم خفيف حلوو مرره

انا اليوم دوامي مره كان مريع نصه المادة
اللي امتحنت فيها اخذنا محاضره و كويز و تمارين
>> لا حووول وش ذا ههههه

و على الممثل اللي مثل دور سنيشي

ههههههههه

انا معـــك الممثل هذاك ابد ما ينطاق
:/


و آمـو جد تحطم قلبي مو بس انه حب جانب ران فيها
إلا يوم رفضها عشان كلبته معلييش يا سيد "^^

و الادهى من ذلك ( اهم شي الفصيح D: )
يوم شكت فيه في الـ party برضو طلع يتكلم عن
كلبه .. ههههههه شي يضحك قسم >> دخلت جوو

و صح سمعت انه قليل >.<
بس بعض الاحيان يكون شي قليل بس ينال اعجابك
و لا تملين منه مهمها قريتيه زي
المانغا اللي انتي تترجمينها << مرررره إبـــداع
ما مليت منها ابببداان

و ماشاء الله حلو ذاكرتي إيــه كذا
الشطاره و الدفره << بس مذاكره بتفحييط !!
يبي لها اعادة نظرر خخخخخ

بالتوفيق ان شاء الله في كل امورك ^_^

Tomoyo-chan يقول...

هايات
تسلمين ,, إذا ردي عسل
فردك شوكولا خخخخخخ >>معليش بس جنونها الشوكولا

اي اهو اكيد يبغي لي إعادة نظر
ولا ما راح افلح بالكويز بكره ^^,

ان شاء الله يارب عشان ما نذوق المر اللى يذوقونه
اللى حملوا المواد >>>خايفه من مادة حملوها مجموعه
كبيرة من الدفعه اللى قبلها لصعوبتها @_@

يس خفيف بالنسبة للي قبله و بعده
معليش تحملي لان كل مال و يعطونا تمارين يخلونا
تفهم المادة ..غامباتي بالكوري آجا آجا فايتنغ

ما ينطاق بس ما ادري ليش قرايبيني ميتين
عليه دايم يقولون ريو ريو بالنظارات الحالمه
بسبب دوره بهانا يوري دانغوا وانا واختي معاكسينهم نقول لهم دايموجي احلى منه بمليون مره
>>مع انه مو حلو لذاك الزود --,

ههههههههه ذكرتيني بكلبته هاللى ميت عليها
و اللى يوم ماتت أتهم إيكتو المسكين بأنه هو اللى قتلها XO

معاكي حق في ذي النقطه لاني صايره استمتع بالون شوتس
أكثر من المانغات العادية لانها تكون كاملة و بأحداث حلوه كختصره من دون تمقيط في الأحداث
ولاني ما اجلس يومياً اتفائل انهم نزلوا لها شابتر جديد -_-

بجد!! يسعدني انك زيي بالهنقطة ..أنا صايره
بين فتره و فتره أرجع اقرأ الشابترات ^__^

موفقه انتي بعد :)

Čυŧε ₦υňђ ~ ● يقول...

هايـــوووو ... ^^

ايه يا لبى الشوكــولا بس >>> قلوووب متطايره


ايه اخبارك يا عسـلل ؟؟ كيف كان الكويز بشري ؟؟

على قولتك المر اللي ذاقوه حاملين المواد الله يستر علينا من جد
لأنه فعـلا شي مرعب

اوكي و لا يهمك

آجا آجا فايتنغ D:


على ريـو ههههههه مره ما ينطاق و شخصيته في هانا يوري دانغو
احسه مسوووي مرررره يعني اني انا الشي و انا الكول .. و على قولتك انا فضلت داميوجي عليه كمان << أأيدك و بقوة .. صحيح شكـله اوب ذاك الزود بس انه ينهضم أكثر
من هالـ ريو :/

ايه برضو راح عن بالي بالله كيف ايكتو يقتل كلبه بالكمان ؟؟
قسم هذا الشخص ضاربـه فيوزاته ..
و لا تدرين لاحظت أي لحظة أآآيييي لحظة يمـر ايكتو في خيال
آمو .. أو تفكر فيه .. ما يجي يقطع حبل أفكارهاآ
إلا هالـ تاداسي .. :/

ايييييهـ ^^ يا لبى الوت شوت تحسين قصه و تخلص في نفس
الوقت أأيدك مره تنفع لمن تكوني مضغوطة و مشتهيه مانغا
>> دامك مضغوطه المفروض تحذفيها من جدول اعمالك "^^ يا بطله P:
أحلى شي في هالوقت انك تقرين الون شوت
بس اكييد المانغا الشوجو احلى ما فيها احداثها الحماس :)
و احلى شي كمان لا عرفتي مانغا شوجو إبداع و كانت قديمهـ
و كاملــه .. يا الله و الله من جد فلـــللللــله ههههههههه

يا لبى العوامل المشتركة اللي بينــنـا و الله ^_^

يللا أشوفك على خيـر ان شاء الله

ماتـــآنــي تومويو تشاان ^^ ..

Tomoyo-chan يقول...

مراحب بالشوكولا كيوتي
كويز اليوم كان تمام مع اني كنت متوتره
لاني تأخرت لاني كنت اصلي
ان شاء الله كويز بكره يكون زيه مع ان
الماده (علم الأدوية) ما تنبلع كل صفحه فيها
أدويه غير الثانيه وما قدرت احفظها كلها >_<
بشريني عنك ان شاء الله تمام ؟؟

اي للحين كل اللى تكلمنا عنه نتشابه في كثير
وكأنا نفس الشخص ^__^

هههههههه صاجه بوقل انه يظن نفس الشي و الكوول
يا أخي لا انت كوول ولا شيء
قهرني كون آيا بدراما هانا كيمي حبته هو
مو المرح الحبوب ...<<>>أي يوم تسوي فيه شيء بقدر كبير
تسميه يوم عالمي ههههههه

و عن المانجات الكاملة ما تصدقين شقد تكون فرحتي
لما اشوف مانجا كاملة ادمن عليها لين ما اخلصها
بس مو ذاك الأدمان ^^

اي المانغا الطويلة تكون حماسيه كثير
يعني كل شابتر ينتهي بنهاية تحمس للشابتر
اللى بعدها بس شقد اعصب لما ما يكون موجود


وانا كذلك اشوفك بكل الخير
مع الف سلامه ^^

Čυŧε ₦υňђ ~ ● يقول...

الله يعينك في الكويزات شكلهم بجد ضاغطينكم :S
انا عندي كويز السبت الله يعين مدري كيف راح
اذاكره >> او بالاحرى ما ادل شي في المادة
و خايفة ابدأ :/ .. >>> الاختبار في الجافا :S

اللهـ يعيين الجميييع ان شاء الله يا رب ...
و يسهل عليك و علينا جميعا ..

:)

راح انتظــر جديدك في الشبتـر الجديد
من Shugo chara Encore ..

يللا يا حلوه
مع ألف سلااامـهـ ^_^

Tomoyo-chan يقول...

كويز جافا!!! الله يعينك
كل قريبيني اللى درسوا هالمادة قالوا انها صعبه
اما انا فالحمد لله للحين ما درستها ^^,

لا تفاخفين ابديها حتى تقدري تخلصيها بالوقت المناسب

أنا بعد كويز السبت صعب و لماده ما ذاكرتها من قبل ..فجزئت المنهج نص اليوم ونص بكره
عشان ما اتعب او اهمل ^^

بالتوفيق وعقبال ما نخلص من هالكوابيس
و نتخرج >>>تو الناس على هالحلم

مع ألف سلامة لكي انتي بعد :]

غير معرف يقول...

شكرا على القصه عجبتني واناشفته من الحلق ألأوله للأخيره يجنن الكراتين وابي اقول انتي ماقلتي السمها الكامل غريبه؟

يسمونه امو في العدات لاكن في القتال مرات يقول السمها الكامل والسمها الكامل اهو... شكرا شكرا شكرا

غير معرف يقول...

معليش كاتبة البلوق دا من زمان ، بس انا توني اشوف الانمي ولسه ماخلصت الجزء الثالث ..
من الجزء الثاني وانا مقررة اوقفه بس بكمله على امل اشوف لقطات لأمو وإيكتو ويوم دريت انه مسافر صرت امشي الحلقات بسرعه بسرعه ،
من الردود الي هينا انه شكلهم ماجابو اي شي عن ايكتو وامو الا بالحلقه الاخيره ، اوووف انا مرا ماأحب امو وتاداسي احسهم مبزرة
وكنت حاطه احتمال كبير ان امو بالنهاية بتكتشف ان حبها لتاداسي كان إعجاب زي باقي البنات اوووجي سااما <= يامصخك ~(
،،
يعني اهي من تشوف ايكتو دام قلبها يصير دوكي دوكي ع قولة وحدة من البنات هون ، يعني اكيد حبها لأيكتو هو الي جد مو البزر تاداسي

بس بسألك ، المانجا كيف ؟ فيه شي بين ايكتو وامو اذا فيه خبريني بليز انا راح ابحث عنها هنا في مدونتك شكلك مترجمتها ، بس ماراح اقرأها لين اشوف ردك ماأبغي اتحطم زي الانمي
<= =$

Tomoyo-chan يقول...

تكلمت عن أربع شابترات من المانجا
يضمون نهاية الابطال كل ثنائي بشابتر

هذا رابط الموضوع الرابط
و فيه روابط الشابترات اللى قبل
http://tomoyo-chan-ayat.blogspot.com/2010/08/shugo-chara-encore-chapter-o4-final.html

أقرئهم و احكمي