Do you read spoilers

السلام عليكم مينا

شخباركم اليوم أن شاء الله بخير؟؟

ربي يوفقنا بهالكم يوم اللى بقوا في رمضان في صيامهم و قيامهم

و ختم القرآن فيهم وصلت فيه عند الـ 23 لأن أحاول أقل شيء أقرأ جزء باليوم

تصويت موقع Baka-Updates Manga الماضي انتهى بأن الأغلب صووت تقريباً 8881 صوت

لأقراهم كلهم من دون استثنائات و هذا اللى فعلاً يعمل الأغلب قراءة ما ينجذبون له

بقض ما كان موجه لفئتهم و أو فئة ثانية صح؟؟

تصويت الاسبوع ذا هل تقرأ السبويلورس؟ أو كما تقوله الردود المخربه للاحداث

اللى فيهم سرد لشاللى صار من أحداث في الشابتر الفلاني أو ما قبله

طول الوقت , بعض الأحيان , بالصدفة , لا ما أقراهم أبداً

بالنسبة لي ما أقرا أشوف بعض الأحيان صفحات أو صور لما أتابعه من مانجا و دراما أما الأنمي فلا إلا إذا كنت من الأساس أتابع المانجا حقتها و أعرف شنو بيصير في الأنمي

لكن شتصير من حوارات و ذا شنو قال و ذاك شنو قال لا ما أقرا إلا نادراً و ينقال لي أكثر مما أقرأ

ما يفرق عندي إذا نقال لي أو لا لأني أظل متحسمه لمتابعة الشيء مع أني أنقهر شوي ليش ما كانت الأحداث اللى تمنيتها و توقعتها

وعلى طاري هالموضوع قريبتي كاميلا لما أبدا اسولف معاها عن شابتر تقول لآاااا لا تخربي علي لسى ما قريت الشابتر و اضطر أغير الموضوع لشيء ثاني ^^,

بالنسبة لكم شنو؟؟