20‏/07‏/2011

New 3D movie for Tekken

السلام عليكم مينا
شخباركم اليوم أن شاء الله بخير؟؟

بعد ما خلصت أشغال البيت المتعبة
حلقت القى لي وقت أني أتصفح النت
فقلت ليش ما افتح موقع Anime network المحجوب من زمان
ببرناج فك الحجب اللى توني حطيته

و جلست أشوف شنو هي آخر أخبار الأنمي و المانجا فيه
و قريت إنهم راح ينتجون أول لعبة ديجيمون للـ PSP
و قريت خبر حبيته و تحمست له كثير إلا و هو أن راح يكون في فلم ثلاثي الأبعاد
للعبة تكين المشهورة , هم نزلوا له فلم لايف آكشن لكنه كان مو حلو نهائياً
يعني عني أكره الأشياء الدموية و القتالية العنيفة للموت و الاشياء المخلة
و هذا كان محتوى الفلم فما حبيته و ندمت على اني تابعته و تقولون اني كرهت اشوف
فلم أجنبي جديد بسببه -_-

لكني متفأله على هذا لان من مقاطع الشخصيات بأشرطه اللعبة كانوا حلوين
فالفلم يمكن يكون هو بعد حلو

اسم Tekken Blood Vengeance
و بيبدأ عرضه في صالات السينما في 26 من يوليو يعني بعد كذا يوم

هذا هو إعلان الفلم


منتظره نشره بأحر من الجمر
عشاني من عشاق ذي اللعبة أصلاً لما ألعب ما العب إلا هي
^__^

هناك 6 تعليقات:

غير معرف يقول...

Tekken
من عشاق هذهِ اللعبة
وايضا له فلم والله اتمنى اشوفه مياشرة

مبروك فتح Anime network

يعطيك العافية

Saya يقول...

وآآآآي !! مو مصدقة !! خبر رائع صرآحتن
دمعت عيني لما شفت الأعلان ..
و أخييرن رح يطلع ليهم فلم ثري دي
بعد الفلم اللايف الأكشن .. أبدا ماحبيته خصوصاً أن الممثلين موب يابانين و أحس القصة تشوهت هآآع
بإنتظآر نزول الفلم .. @v@

foo2oofo يقول...

نايس حتى أنا أحب اللعبه وشفت كل أفلامه راح أنتظره على احر من الجمر شكرا ^_^

short-devil يقول...

وااااااااااااو

هاللعبة لازم العبها كل يوم على الـps3
الصراحة اللعبة تجنن و متحمسة للفلم ><

غير معرف يقول...

واااااااه
انا من اشد معجبين ذي اللعبه
وشكل الفيلم هذا حمااااس صارووووخ!!
مبين اكثر انه احلى من الفلام الي
قبل اصلا ما عجبتني
بما ان اريسا في الفيلم
اكثر وحده احب العب عليها
اكيد احلى

تومويو تلعبيها في بي سي 3
اون لاين؟؟ عشان العب معك^^

Tomoyo-chan يقول...

روعه أنكم متحمسين له معاي
بالنسبة للأون لاين فأشوف
أخوي يلعب لكن أنا ما اعرف
صايرة ما اعرف له كثير
ما عرفت إلا وين تكون اللعبة
الثمانية و صايره ألعبها بإختيار
لعابيني المفضلين

و مجننه اخواني و العيال
بحركاتي اللى ما تعطيهم مجال
يهزموني خصوصاً بزفينا
إللى بـ تكن الخامس ^^