05‏/04‏/2010

Shugo Chara! Encore chapter o2

السلام عليكم مينا-سان متابعين مدونتي
كيفكم ان شاء الله بخير؟؟
بدينا شهر أبريل بأشياء روعه من موسم جديد من كوتيل انميات
و اللى شفت منها Kaichou wa Maid-sama و أفكر اني اشوف انميات غيره
و بعد في ان شابترات جديدة للمانغا نزلت >>نشاط كبير بسبب عيد الفصح عند الأجانب
ان شاء الله دوم الاعياد عنهم عشان ينزلوا كل شيء جديد
و اليوم كان روعه دخلت موقع المانغا الخير manga fox
و شفت انهم نزلوا شابترات للمانغا اللى اتابعها و جانه عليها من
skip beat و Shugo Chara! Encore و و و ...
و عشاني تكلمت عن كيف وعن من كان الشابتر الأول قلت لازم أكتب عن
الشابتر الثاني ,, مع انهم لمحوا بأن ذاك الشخص بيظهر و ظنينا كلنا انه إيكتو
الا انهم ما جابوه لكني ما تحطمت لأنهم تكلموا عن نادغيهكو و ريما
كان الشابتر في أن أم و أبو ريما تطلقوا عشان ينهون خلافاتهم المتواصلة
و في أن ريما زعلت لهالشي , وفي أن ناغيهكوا متردد في انه يقول لـ آمو أن
ناديشكو و هو شخص واحد لانها بتجرح منه ..بعدها يلاقي ريما جالسه قدام شجرة الكرز
زعلانة فيروح يكلمها بعدين يروحوا يشوفوا أشجار الخوخ بما انها فتحت
و يشوفوا ولد ضايع و يبحثوا عن ابوه و امه لكنهم ما شافوهم
فقالت ريما انها بتخلي عبيدها الطلاب المعجبين فيها يجون و يساعدونها فيعصب
ناغي و يقول لها انها بعد تكذب مو بس هو تزعل من كلامه وتجلس على الكرسي
يجي بعدين يعتذر منها و يقول لها إذا بغيتي تبكين فبكي , يجوون اهل الولد بعد ما بحثوا
عنه ويتضح أنه أخو يايا الصغير ما استغرب ناغي لان شخصيتهم تتشابه,
بعدها تقول له انها ما تبغي تبكي فيقول لها صح لان الدموع ما تناسبك
و يكمل عليه كوسوكوسو بان الابتسامه هي اللى تناسبها فتضحك
وبكذا يرجع الاثنين لبيتهم منازح همومه
الشابتر كان حلو بس شوي انقهرت ليش ما جابوا ناغيهكو يعترف لـ آمو
كذا خلوني اشيل فكرة انها بتعرف ..يعني إحتمال ينهون المانغا و هي مازلت ما تعرف
الحين خلونا نتوقع مين بيكون عنه الشابتر الجاي ..يمكن لباقي الشخصيات غير إيكتو
لانه لو بيجيبوه بيكون الشابتر الأخيرة و حنا ما نبغي المانغا تخلص بسرع :)
همممممم أتوقع انها بتكون عن يايا أو تاداسي أو كايري أخو مديرة آوتاو,و أنتو؟؟

هناك 4 تعليقات:

Čυŧε ₦υňђ ~ ● يقول...

كونمباااوااااااا ..

يا الله مدونتك وحشتني مررررررررره ..
هالاسبوع بس عشان الميد الاول انحاست دنيتي >> فيس
يصيح من قلب ..

كيفك ؟ احوالكـ ؟؟ وش مسوية ؟؟ عساك بخير ؟

الله نزلتي عن الشبتر الجديد من شوجو كارا

حلو مره صح ؟؟
بس على قولتك كان ودي يقول لآمو انه هو ناديشكو
بس اعتقد انهم راح يخصصوا شبتر كامل لهالشيء لأنه
سالفة طويلة و احس لازم تنحبك القصه صح ..

اممم اييه صح توقعك لو انه ايكتو دخل يعني هذا
نهاية المانغا D:

فانا زيك اتوقع يا انه عن يايا ، تاداسي ،
كايري .. او ممكن اخته صراحه انا ودي
اعرف قصة اخته و نيكادوا سينسي :)

و يمكـــــــن يجيبون عن ايكتو و ابوه !!
لحظة ما راح يجيبوا طاري اختها ؟؟ يمكن يكبروها
الله يجيبون آمي و هي كبيره P:

في عندك هياكروا ممكن يجيبون شي عنه !!!!

>> قمت اخرف و لا خخخخخخ

بس ودي يجيبون ايكتو و في نفس الوقت مو آخر
شبتر :)
و لا يجيبون آمو و هي تنهي علاقتها مع تاداسي
>> ضحكه شرانيييييه موهاهاهاهاها

ما اطول عليك بالحكي :)

بس كويس انه في شي اسمه ويك اند عشان
يمديني اطلع على مدونتك ^_^

يللا يا عسللله مرره مشكوره على الخبريه
و ان شاء الله تنزلين موضوع في الشهر
عن شبتر احلى و احلى :)


مااتااانــي .. ^^

Tomoyo-chan يقول...

انتي بعد و حشتيني
كيفك ؟؟ كيف كان الميد الأول؟؟
انا الحمد تمام

اممم انا شفته عادي بسبب انه
خالف توقعاتي :(
ان شاء الله لانا لازم نعرف شنو بيصير

اي حتى توقعاتك حلوه ليتها تصير كلها
على طاري آمي أخت أمو ..دخلت بموقع و كانوا
يقولون انها تشكل ثنائي حلو مع هياكاور
..شرايك بكلامهم؟؟ أنا اشوفه أحلى من انه يكون
مع ريكا لانها اصغر منه و كيووت ^^

حتى انا ابغيهم يجيبوا إيكتو عشاني أشتقت له
>>>كذابه توك شايفته بآخر حلقة للأنمي -_-

ضحكه شرانيه لفكره جهنمية ..ليتهم يجيبوه
كان نظل نضحك عليه >>مسكين ما يستاهل

اي والله وعشان نرتاح شوي من الدوام اللى يهلك
ان شاء الله , و أن شاء الله تردي عليه انتي بعد

ماتاني ^^

Čυŧε ₦υňђ ~ ● يقول...

يا هــلا و الله بأحلى توميو - تشـآن

الميد كان من احلى ما يكوون و الحمد لله
>> يا رب المارك تكون حلوه و لا يجيني احباط ^^

و كما سبق و قلت في بوكس الشات
الكويز اللي دخل يومها كان جدا عبيط
>> مبين مقهوره منها لحد الحين خخخخ

نرجع لمحور الحديــث D:

آمـــي و هيكارووو يااااي مرره راح يكونوا
كاوييييييييي مرررررره
و على قولتك احسن من انه يكون مع ريكا :S
بالذات انها اكبـر منه يعني مصخوها
اوتاوو و كوكاي و رضينا كمان ريكا و هيكارو

عشان كذا احسن لو يكون مع آمــي >> مره اعجبها
الـ ثنائي "^^ >> دخل مزاجي بقووووة

هههههههه اما ايكتو توك شايفته
بس هذا ما يمنع احسه جيته جت سريعه و اختفى
و فوق هذا انتهى الانمي يعني زي شوفه ع الطاير
نبي شبتر ان شاء الله محترررررم زي العالم و الناس :)


اما عن تاداسي من زود ما انا ما ابيه يكون
مع آمو رحمتـه "^^

بس شسمه هو في المانغا جابوا انه فهم انه
آمو و ايكتو زي ابوه و ام ايكتو >> ناسية الاسماء

فان شاء الله يكون طيوب و لا يحزنا و لا يقطع
قلبنا عليه .. شكله انسان عاقل و فاهم و واعي
>> كل هذا عشان ما ابي احزن عليه "^^

و الويك إند آحلى شي في الوجود

على ايام الضغط في الجامعه اول ما بديت و حسيت
اني ما اقدر استحمل تدري وش جا في راسي ؟!
فكرت انه يكون في يوم ثامن للاسبوع يكون
كذا يوم منفصل مدري فهمتي علي و لا لا بس يوم مو
يوم حقيقي خخخخخخ >> فكره مخلبيه
بس عشان اسوي فيها الاشياء اللي ابيها سواء
لعب او دراسه ما يكون فيه اي شي جديد
يعني يكون Freez للوقتـ لمدة يوم *_*

>> مرررره مافي امل يتحقق T_T

صح ما قلتي لي انتي ماشااء الله خلاص مافي كويزات
في الاسبوع الجاي !؟

و مبرووووووووووك عليك الـ Header الجدييد شكله
مررررررره كاوييي و رومانسي بطريقة ما :$

معليش طولت عليك مرتن آوخرى كالعاده :)
بس الجلسه في مدونتك و الكتابه فيها ابد لا تمــل

يللا مــاتآآني :)

Tomoyo-chan يقول...

مراحب بك كيووتي
ان شاء الله بتكون حلوه دام الامتحان كان
احلى ما يكون .. ^^

ههههه عجبك ثنائي هيكاروا و آمي
انا بعد ولنفس السبب لانهم لو خلوه مع ريكا
بيقهرونا >>ما تحب الثنائيات اللى يكون فيها البنت أكبر من الولد أبداً :(

اي والله نبغاه محترم و يدل على إبداع
الكاتبات ولا بروح الياباني ارمي عليهم الطماطم
وارجع >>من صجك بتروح لهالسبب الغبي *_*

معاي في اني ابغي يومي يكون مجمد خصوصاً
اذا كان ممتع عشان ما تخلص المتعه والناسه :)

اي الحمد لله الاسبوع الجاي ما فيه كويزات
بس تسليم الاسيمنت اللى للحين ما بديت فيه
من كسالتي |:

الله يبارك فيكي ..ما بغيت اغير الماضي
لاني جانه على الولد اللى فيها بس ..خلاص قريت شابترات مانغته لذلك انتهت موضته
فحطيت الموضه الجديده ميد-ساما :]
يسعدني كثير انه عجبك مع اني حسيته ناقص شيء --,

وانتي كذلك قراءة تعليقاتك ما ينمل منها ابداً