19‏/04‏/2010

Otomegokoro

أسم المانجا : Otome Gokoro/オトメゴコロ
A girls feelings/مشاعر فتاة
النوع : شوجو, حياة مدرسية,رومانسي, كوميدي
المؤلفة و الرسامة : WATANABE Ayu
المجلة الناشرة : Betsufure
سنة الإصدار : 2008
عدد المجلدات: مجلدين (8 شابترات)
حالة الترجمة : كاملة من قبل الفريق الأنغليزي Which Scanlations
القصه :ني ني كاشيواغي البالغة ستة عشر تحاول أن تغير نفسها من فتاة رياضية إلى فتاة جميلة لتعثر على الحب و لكن صديقها القديم من الأعدادية جون أندو يستمر بالسخرية منها وعند محاولتها الأولى يتضح أن الفتى الذيقررت مواعدته منحرف (قليل الأدب) لذلك يساعدها جون بطريقة غير متوقعه.
رايي : طحت على هالمانغا أمس و بديت أقرائها لين ما خلصت ستت شابترات وقفت وقلت خلني أكمل الاخيريين اليوم عشان استمتع في المانغا شوي و كملتها ,, صراحه هالمانغا رايقه حيل رسماً و أحداث قصدي هادية اممم زي Kimi ni todoke تخلي اللى مو مروق يروق غصب خخخخخ اللى خلاني أقراها هو اني حسيت البوستر اللى تشوفونه فوق سوو كوول بالأضافه إلى أني قريت شابترين لمانغا L-DK لنفس المانغاكا رحت شفت أعمالها وشفته منهم و عاد بما اني حطيته براسي فعلى طول رحت أقرائها مع اني متحمسه على Kimi ni todoke إلا اني بديتها عليها البطلين سوو أوسم (awesome) كل واحد منهم ساعد الثاني مع حبه في البداية إلى أن تطورت الأحداث اللى بينهم ليحبوا بعض مع أن جون كان من البداية حب ني ني الأول في طرف ثالث بالقصة و هي حب جون الأول أسمها إيزومي ياخي شكثر أكرهها مع انها اسم طيبوه و ملقبه جون الزنبق الأبيض يعني من صفائها و هي ولا شيء ..تراها حاقده عليها حقد
أوكي مينا ..إذا عجبتكم فساريعوا لقراءتها ^_^
و ها خبروني برايكم فيها إذا قريتوها

تقيمي لها بـMylist 8 ..very good

هناك 10 تعليقات:

кάиg jί кί يقول...

يـآآي أنـا قريت تـشـابتر من دي المانجـا مره ينـاسو XDDDD ، + مانجـا l-Dk قريتهـا الشابترين ومـا قدره أستنى الثالث رغ‘ـم أنـو نص المانجـات نفسس القصة صحبتهـا تحب واحد وهـوا يكرهـا بع‘ـدين تحـبو XD بس في شيء يجذبك فيهـا مـا أدري آيش <== أتحـولت لـ المانجـا الثانية + أيـو مانجـاكـا خطيرة آقري لهـا suki doki و Kimi ga suki يجننـووو سوكي دوكي مجموعة قصص عجبتني الأولى الثانية قرف وع ><" ، أمـا كيمي قا سوكي لهـا مكـانة عندي يـا نـاسو عليهـا ^^"

Tomoyo-chan يقول...

هلا والله حبوبه كانغ جي كي
كيفك ان شاء الله بخير؟؟
واااو يعني قريت أعمال هاي المانغاكا
اممم بما انك تنصحيني فيهم فشكلي بروح ابتديهم
مع اني خايفه يكونوا مو كاملين زي L-DK
لاني بصراحه تحمست أعرف شنو بتكون ردة فعل
صديقتها إذا عرفت انهم يسكنون مع بعض >>فضوليه البنت حدها --,

قرف !! عيل ما راح اقرأها حتى ما أقرف أنا بعد

تسلمي عزيزتي على تعليقك :]

Čυŧε ₦υňђ ~ ● يقول...

و عادت البطله باحدى بطولتها
لتضع بين ايدينا مانغا خطيره

>> تراني ما قريتها لسه خخخخ

بس شكلها مررررره كيووت
و الرسم من الرسم اللي يجعبني طبعا

بما انها اعجبتك اكيد راح تعجبنا 10000%

تسلمين على المانغا يا عسل ..
و لي عوده بعد قراءتها :) كامله ان شاء الله


مااتااانـــي ^_^

Tomoyo-chan يقول...

تسلمين حبوبه كيووتي على كلامك الحلوه
خخخخ بتعيشيني حلم اني البطلة فيه
و أحرب الشر >>إذا لعبت مع ولد أختها دايم ما تخلي روحها شريرة --, فصايرة مستانسه على عمرها

ان شاء الله تعجبك مليون بالمية بعد ما تخلصيها
قراءة ممتعه لها ..وتسلمي على تعليقك :]

Čυŧε ₦υňђ ~ ● يقول...

بعد ما خلصت نص اشغالي ما قدرت امسك نفسي
قلت لازم لازم اقراها الييووم >> حالتها صعبه

بديت اقراها تحمست في البداية ..
و الاوضاع لطيفه و جمييله .. ألييين جت إيزومي :@

بديت اتنرفز كثير .. قلت في البداية طيبه البنت
ما تبيه خلاص افتكينا منها
بعدين لا الوضع قام ينرفز "^^

عصبتني مررررره .. و اللي قهرن جون الاهبل
معها .. مع الخيل يا شقرا ..
خيــر هههههههه

بس احسن شي انه ني ني ما استسلمت في الاخير ..
و المانغا بشكل عام حلووووووووووووه مرررررررررره
بس لو مافيها ايزومي >> لو مافي ما كان 8 شباتر "^^


بس حلوووووووه مرره استمتعت و انا اقراها و تحمست
في كل شبتر و كل لحظة ..
:)

تسلمين يا حلوه على المانغا الحلوه مثلك :)

^^ ماتااني ..

Nanako_chii يقول...

المانغا ده كتييييييير روعة اتفرجت على كل الشابترات وكتير كيوووووت ونهاية مميزة شدي حيلك تومويو في الترجمة :)

غير معرف يقول...

وين روابط تحميل المانجا؟؟؟؟؟

Tomoyo-chan يقول...

موجودة ضغطي بحث غوغل و تظهر
لك روابط المواقع

غير معرف يقول...

لقيتها بس مو مترجمه

Tomoyo-chan يقول...

اي هي ما ترجمت للعربي
قريتها بالأنغلش